CB200: AMERICAN BALD EAGLE "HURRICANE"!

​

Met groot trots en diep waardering erken ons vandag Jaco en Annamarie Vosser as mede-stigterslede van 4HIMcrucified en onwrikbare draers van die visie waarmee hierdie bediening gebou is.

Van die eerste oomblik af het hulle hulself gerapporteer om absoluut betrokke te wees in ons media platform – altyd bereid om te dien, altyd gereed om ’n hand te gee. Sonder huiwering het hulle by elke moontlike geleentheid opgedaag om ons produksies op te neem en uit te saai – selfs in tye van siekte, krisis of persoonlike uitdagings.

Later het Annamarie ook selfstandig die streaming en editing van 4HIMcrucified en Sielskos, asook die oprigting en bestuur van ons webwerf, op haar skouers geneem. Vandag, meer as vyf jaar later, is hulle ywer steeds onverbete en loop hulle vol vreugde saam met die groei en uitbreiding van die bediening.

Al was daar tye van konflik of jaloesie van buite, het Jaco en Annamarie hul visie, roeping en fokus nooit verloor nie. Hulle staan vandag vas as pilare in die erfenis van 4HIMcrucified.

✨ In erkenning van hierdie uitstaande en lojale deelname word die CB200 American Bald Eagle – “Hurricane” (onder die woorde “Soon You Will Soar Like an Eagle”) met trots oorhandig aan Jaco en Annamarie Vosser deur Dr. Chris Marx (Skilder en Senior Pastoor) en Past. Bettie Marx.