Beloftes in moeilike tye...

In Jeremia 32 lees ons van 'n merkwaardige gebeurtenis tydens ’n donker tyd vir Juda. God beveel die profeet Jeremia om 'n stuk grond van sy neef Hanameël te koop, selfs al was die land reeds onder Babiloniese besetting. Jeremia koop die grond, teken die koopbrief aan voor getuies, en laat dit in erdekruike verseël en veilig bewaar.

Hierdie daad was simbolies — ’n teken van hoop en God se belofte dat die volk weer sou terugkeer, huise bou en land bewerk.

Hoewel die stad op die rand van vernietiging gestaan het, het God deur hierdie handeling ’n boodskap van herstel en toekoms gegee. Die koopbrief in die erdekruik sou die bewys wees dat daar weer lewe sou wees ná ballingskap.

God roep ons dikwels om in geloof op te tree, selfs al lyk die omstandighede hopeloos. Soos Jeremia die koopbrief bewaar het as getuienis van God se belofte, moet ons God se Woord en beloftes in ons harte bewaar. Selfs in moeilike tye kan ons hoop hê, want God is getrou en werk dikwels agter die skerms om herstel te bring.

Dr. Chris Marx

4HIMcrucified-Centre