DRUK NET DEUR!!

Die vrou wat aan bloedvloeiïng gely het, soos beskryf in Markus 5:25–34, is ’n kragtige voorbeeld van deursettingsvermoë en geloof.

Sy het twaalf jaar lank aan ’n pynlike en vernederende toestand gely, sonder enige verbeterende hulp van dokters plus groot persoonlike verlies en uitsluiting uit die gemeenskap.

Tog het sy nie moed opgegee nie. Haar geloof dat slegs ’n aanraking van Jesus se kleed haar sou genees, het haar deur moeilike omstandighede gedryf.

Ten spyte van vrees, skaamte en sosiale norme wat haar verbied het om in die openbaar kontak te maak, het sy deur die skare gedruk en Jesus aangeraak. Hierdie daad vertoon haar innerlike krag en vasberadenheid.

Jesus het haar geloof openlik erken en haar nie net fisiek genees nie, maar ook geestelik herstel. Haar verhaal inspireer ons vandag meer as ooit om nie op te gee nie, al voel dit asof alle hoop verlore is.