JONA SE ONDERWATER BEKERING

Die verhaal van Jona toon 'n diep geestelike verandering wat plaasvind toe hy in die buik van die vis is — 'n bekering wat onder water begin. Aanvanklik vlug Jona van God se opdrag en weier om die mense van Nineve te waarsku. Sy ongehoorsaamheid lei tot ‘n storm, en uiteindelik word hy oorboord gegooi en deur ‘n groot vis ingesluk. In die vis se maag, op die diepste plek van sy wanhoop, begin Jona bid. Hierdie gebed is nie net ‘n roep om hulp nie, maar ook ‘n teken van berou en hernude vertroue in God.

Jona besef dat hy nie van God kan wegvlug nie en dat slegs God redding kan bring. Sy woorde in Jona 2 wys ‘n innerlike ommekeer – ‘n beweging van selfgerigtheid na oorgawe. Hierdie onderwater ervaring dien as ‘n simboliese dood en wedergeboorte. Toe die vis hom op die droë grond uitspoeg, is Jona ‘n veranderde man. Sy bekering onder water is ‘n beeld van God se genade wat selfs in die donkerste plekke kan werk en ‘n mens kan transformeer. Dit wys dat ware verandering soms eers in absolute gebrokenheid begin.

Dr. Chris Marx

4HIMcrucified-Centre